FIDEning yangi reytingi. Oktyabrda Qosimjonov 5 pog'ona pastladi

Oktyabr oyi uchun chiqarilgan reytingda birinchi raqamli shaxmatchimiz Rustam Qosimjonov 49-pog'onada etirof etilgan. O'n ettinchi jahon chempioni sentyabr oyi reytingida 44-o'rinni band etgandi.

Dunyo shaxmatchilari reytingini hamon amaldagi jahon chempioni, norvegiyalik Magnus Karlsen boshqarib bormoqda. Kuchli uchlikdan rossiyalik Vladimir Kramnik va amerikalik Fabiano Karuanalar joy olishgan.  

Kuchli o'ntalik: Magnus Karlsen (Norvegiya) 2853, Vladimir Kramnik (Rossiya) 2817, Fabiano Karuana (AQSH) 2813, Maksim Vashe-Lagrav (Franciya) 2811, Levon Aronyan (Armaniston) 2795, Uesli So 2794, Xikaru Nakamura (ikkisi ham AQSH) 2787, Vishvanatan Anand (Hindiston) 2776, Sergey Karyakin (Rossiya) 2772, Din Lijen (Xitoy) 2764.

Mamlakatimiz shaxmatchilarining kuchli o'ntaligida Rustam Qosimjonovdan so'ng grossmeysterlar – Anton Filippov 2592 (+10), Jahongir Vohidov 2576 (-7), Sergey Zagrebelniy (2485), Mixail Saltaev (2477), Saydali Yo'ldoshev (2469), Marat Jumaev 2457 (+7), xalqaro master Temur Igonin 2457 (-9),  grossmeyster Aleksey Barsov (2441) va istedodli shaxmatchimiz Nodirbek Yoqubboevlar (2435) joylashgan.

Ayol shaxmatchilar reytingida esa xitoylik Xou Ifan karvonboshilik qilyapti. Uning hamyurti Czyuy Venczyun ikkinchi o'rinni band etgan. Ukrainalik Anni Muzichuk esa uchinchi o'rinni egallab turibdi. Hamyurtimiz Nafisa Mo'minova o'tgan oy reytingiga nisbatan 24 pog'onaga ko'tarilishga muvaffaq bo'ldi.