Floyd Meyvezer: “Nasukava bilan jang o'tkaziladi, faqat oyoqda zarbalar bo'lmaydi”

Avvalroq ushbu jangning qoidalari sabab o'tkazilmasligi aytilgandi. O'shanda Floyd matbuot anjumanida ishtirok etib, turnir tashkilotchilarini noprofessionallikda ayblagandi. 

Ilk kelishuvda jangning tor auditoriya uchun ko'rgazmali jang sifatida o'tkazilishi nazarda tutilgandi. Lekin yaponiyalik tashkilotchilar jangning xatto translyaciya qilinishini ham keng ommaga oshkor etishgan, o'z o'rnida bu holat Meyvezerga yoqmagandi. 

“Jang o'tkaziladi. Faqat qoidalar men aytgandek bo'ladi. To'qqiz daqiqadan iborat jangda oyoq zarbalariga ruxsat berilmaydi. Keyin ushbu bahs rasmiy maqomga ega bo'lmaydi. Ko'pchilik Floyd pul uchun jang o'tkazyapti, degan fikrlarni bildiryapti. Xo'sh, buning nimasi yomon? Men 60-70 yoshda emasmanki, nafaqaga chiqib olsam”, - dedi Meyvezer.

Eslatib o'tamiz, o'tgan hafta Yaponiyaning MMA-promousheni rasman Floyd Meyvezerning yaponiyalik kikbokschi Nasukavaga qarshi jangi 31 dekabr kuni Saitama shahrida o'tkazilishini elon qilgandi. Bu xabardan bir necha kun o'tib, Floyd ushbu malumotni tasdiqlamagan edi.