FOTO. CHempionlar aniqlandi, navbat qo'l to'piga

O'zbekiston Respublikasi Prezidentining 2017 yil 3 iyundagi “Jismoniy tarbiya va ommaviy sportni yanada rivojlantirish chora-tadbirlari to'g'risida”gi RQ-3031 sonli Qorori bilan tasdiqlangan dasturning 50 va 52-bandlari ijrosini taminlash maqsadida O'zbekiston Respublikasi jismoniy tarbiya va sport vazirligi, O'zbekiston Yoshlar Ittifoqi, O'zbekiston Respublikasi oliy va o'rta maxsus talimi vazirligi, O'rta maxsus, kasb-hunar talimi markazi, O'zbekiston “Barkamol avlod” jismoniy tarbiya va sport jamiyati Markaziy kengashi bilan hamkorlikda tashkil etilgan, o'rta maxsus, kasb-hunar talim muassasalarida tahsil olayotgan o'quvchilar o'rtasidagi mazkur basketbol sport turi bo'yicha IV bosqichli “Barkamol avlod sport jamoalari” musobaqalarining final bellashuvlarida g'olib va sovrindorlar aniqlandi. 

Qoraqalpog'iston Respublikasi, Toshkent shahri va barcha viloyatlardan tashrif buyurgan jamoalar guruhlarga bo'lingan holda belgilangan ikkita sport zalda o'zaro kuch sinashishdi. Bo'lib o'tgan bellashuvlar natijasiga ko'ra yarim finalga Toshkent, Buxoro, Sirdaryo viloyatlari hamda Toshkent shahri jamoasi etib kelishdi. 

Poytaxt jamoasiga qarshi maydonga chiqqan Toshkent viloyati jamoasi 52:62 hisobida imkoniyatni boy bergan bo'lsa, Buxoro va Sirdaryo jamoalari bahsida 57:52 hisobida zafar quchgan mezbonlar finalga yo'l olishdi. 

Finalda bir-biriga raqib bo'lgan Toshkent shahri va Buxoro jamoalari  o'rtasidagi o'yinlar qiziqarli va shiddatli tus oldi. Tajriba bobida raqiblaridan ustunlikka ega bo'lgan poytaxtliklar yakunda 54:30 hisobida ustun kelib, birinchi o'rin sohiblariga aylanishdi. Uchinchi o'rin uchun kechgan uchrashuvda esa, Sirdaryo jamoasi Toshkent viloyati jamoasini 46:53 natijasiga ko'ra mag'lub etdi. 

SHundan so'ng, Buxoro olimpiya zaxiralari kollejida g'olib va sovrindorlarni taqdirlash marosimi tashkil etildi. Marosimda ishtirok etgan O'zbekiston “Barkamol avlod” jismoniy tarbiya va sport jamiyati Markaziy Kengashi raisining birinchi o'rinbosari Erkinboy Qodirov, O'rta maxsus, kasb-hunar talimi Buxoro viloyat  xududiy boshqarmasi boshlig'i Hamid Qobilovlar sovrindorlarni qutlar ekan, xalqaro sport maydonlarida sportchilarimizning har qanday raqibiga nisbatan bellasha olishi va g'oliblikni tantana qilib, Yurt shanini ulug'layotgani haqida to'xtalib o'tishdi. 

SHuningdek, ushbu tashkil etilgan “Barkamol avlod sport jamoalari” musobaqalari orqali yuzlab, minglab o'quvchi-yoshlarni sportga jalb etilayotgani, sport turlari bo'yicha musobaqalarda ishtirok etishlari ularning avvalo bo'sh vaqtlarini mazmunli o'tishi, qolaversa, sportda iqtidori yuqori bo'lgan o'g'il-qizlarni aniqlash kabi ezgu-maqsadlarni ko'zlagani haqida ham takidlandi. 

Marosim yosh sportchilarning ko'rgazmali chiqishlari, badiiy jamoalarning kuy-qo'shiqlariga ulanib ketdi. Sport bayramiga aylangan tadbirning so'nggida kuchli uchlikni qo'lga kiritgan jamoalar tashkilotchilar tomonidan diplom, medal va esdalik sovg'alari bilan mukofotlanishdi. 

Eslatib o'tamiz “Barkamol avlod sport jamoalari” dasturidan o'rin olgan navbatdagi qo'l to'pi bo'yicha final bosqichi 1-5 aprel kunlari Andijon viloyatida bo'lib o'tadi. Ayni paytda ushbu sporti bo'yicha viloyat saralash bellashuvlari hududlarda davom etmoqda.

Ilhom Rahmonov tayyorladi