Foto fakt: Hasanboy Do'smatov MJ "KAKA"ni mag'lub etgan

Jizzax viloyati mezbonligida o'tgan boks bo'yicha O'zbekiston chempionatida 1993-1994 yillarda tug'ilgan o'smirlar ringga ko'tarilishgan edi. O'sha musobaqaning -46 kg vazn toifasidagi finaliga Hasanboy Do'smatov hamda Murodjon Ahmadaliev etib kelgan. 

Murosasiz kechgan final bellashuvida Hasanboy 13:11 hisobida g'alaba qozongan edi. Murabbiy To'lqin Qilichev Instagram sahifasiga o'sha jangni esga olib, bu haqidagi post bilan o'rtoqlashdi.

"Vaqt o'tib bormoqda. O'shanda ushbu yigitlar o'zlarini ko'rsatishlari, ularning nomlari jahonga taralishini kim ham o'ylabdi deysiz", - deyiladi post ostidagi izohda.