So’nggi yangiliklar

17:02UFC собиқ чемпиони фаолиятини якунлади 0 16:38Топурия тайёр эмасми? UFC президенти жанг анонси кечикишини изоҳлади 0 16:16Португалиялик футбол агенти Файзуллаевнинг "Бенфика"га трансфери масаласида фикр билдирди 0 15:54WBA рейтинги янгиланди. Ўзбек боксчиларининг ўрни қандай? 0 15:28Рамазон Темиров билан жамоадош қирғизистонлик спортчи захира жангчиси сифатида UFC'га қўшилди 0 15:05Муҳаммад Мокаев Karate Combat 54 турнирида қозоғистонлик спортчи билан жанг қилади 0 14:40Афсонавий Кафу Қозоғистонга келди (ФОТО) 0 14:17Баҳодир Жалолов: "Дичко бу жанг орқали кўп нарса ютқазмаслиги мумкин, аммо мен..." 0 13:54ONE FC рейтингининг кучли бешлигидаги Санжар Зокиров эртага тонгда учинчи рақамли спортчига қарши жанг қилади 0 13:30Оғир вазн тоифасидаги рейтинг жанги UFC 316 турнирига кўчирилди 0 13:07"Рома" афсонаси АПЛ жамоасини бошқариши мумкин 0 12:46Хоккей бўйича ЖЧ олдидан. Рақибимиз - Қувайт! 0 12:25Чимаев: "Конорни топмоқчи бўлганман, лекин мени ҳибсга олишган" 0 12:04Дмитрий Бивол қайси жангни истаётганини айтди 0 11:43УEФА президенти ЖЧ иштирокчилар сонини 64 та оширишга қарши 0

15 mar 09:35
Yangiliklar

Tadbirlar, Futbol

Franciya FF prezidenti mahkamasi boshlig'i yurtimizga keldi

SHu yilning 23 yanvar kuni O'zbekiston Milliy olimpiya qo'mitasi prezidenti Umid Ahmadjonov Parijda Franciya futbol federaciyasi mutassaddilari bilan uchrashgandi.

Jumladan, Franciya futbol federaciyasi Prezidenti mahkamasi Xalqaro bo'limi boshlig'i Janob Kenni Jan Mari uchrashuv davomida bolalar futboli bo'yicha franciyalik mutaxassislarni O'zbekistonga olib kelish, yurtimizdagi yosh futbolchilarni Franciya jamoalariga jalb qilish, Superligada ishtirok etadigan jamoalarning saviyasini oshirish, ularning ish faoliyatini Evropa andozalari asosida yo'lga qo'yish maqsadida klublar bosh direktorlari va akademiyalar rahbarlarini Parijga malaka oshirish va tajriba o'rganishga yuborish masalalari muhokama qilingandi. 

O'sha kelishuvga ko'ra kecha Franciya futbol federaciyasi vakillari Franciya futbol federaciyasi Prezidenti mahkamasiboshlig'i Janob Kenni Jan Mari va Texnik direktor o'rinbosari Lyudovik Debryu yurtimizga tashrif buyurishdi.

Milliy olimpiya qo'mitasida franciyalik yuqori martabali mehmonlarni Milliy olimpiya qo'mitasi prezidenti, O'FA 1-vice-prezidenti Umid Ahmadjonov va Jismoniy tarbiya va sport vaziri SHoakrom Isroilov qabul qilishdi.

Umid Ahmadjonov Janob Kenni Jan Mari va Lyudovik Debryuni yurtimizda ko'rishdan juda ham xursand ekanini takidlab, jumladan, shunday dedi:

“Franciya dunyodagi futboli rivojlangan mamlakatlardan biri. SHu sababli O'zbekistonda futbolni rivojlantirish yo'lida Franciya bilan hamkorlik qilish biz uchun juda muhim. O'zbekistonda futbolni rivojlantirish uchun hukumat darajasida etibor qaratilmoqda. Mana bugun Siz aziz mehmonlarning poyqadami qutlug' kelib, muhtaram Prezidentimiz SHavkat Mirziyoev O'zbekistonda futbolni rivojlantirish chora-tadbirlari to'g'risida”gi Qarorga imzo chekdilar.

Endilikda yurtimizda futbolni, umuman, sportni rivojlantirishning yangi tizimi barpo etiladi. Buning uchun Milliy olimpiya qo'mitasi, Jismoniy tarbiya va sport vazirligi va O'zbekiston futbol Associaciyasi birgalikda ish olib boradi. Biz ishni bog'chalardan boshlamoqchimiz. Bolajonlar o'rtasida sportni keng targ'ib qilish orqali turli sport turlarini ommalashtirish va rivojlantirish bosh maqsadimiz. Keyin maktab - Olimpiya zaxiralari kolleji – institut tizimida ish olib boriladi. Maqsadimiz, sportni, futbolni yuqori bosqichga olib chiqish va yurtimizdan Olimpiya va Jahon chempionlari chiqishini taminlashdan iborat.

Franciya futbol federaciyasi bilan yaqin hamkorlik qilish o'zbek futboli uchun katta manfaat keltirishiga ishonchim komil. Yurtimizda futbol akademiyalari yangi tizim asosida faoliyat yuritadi. Mazkur akademiyalarda franciyalik murabbiylar ish olib borishiga yordam bersangiz, boshimiz osmonga etgan bo'lardi. Bundan tashqari, Franciyadagi kuchli mutaxassislarni O'zbekiston futbol associaciyasiga ishga taklif etishda ham amaliy yordam ko'rsatishingizni istaymiz. Ular O'FAda ish olib borib, o'zbek futbolini yuqori bosqichga olib chiqishda o'z hissalarini qo'shishsa, Sizdan cheksiz minnatdor bo'lamiz”, - dedi Umid Ahmadjonov.

O'z o'rnida Franciya futbol federaciyasi Prezidenti mahkamasi boshlig'i Janob Kenni Jan Mari O'zbekistonga tashrif buyurganidan juda mamnun ekanini aytib o'tdi.

“Siz bilan Franciyada uchrashganimizda O'zbekistonga borishga vada bergandik. Mana, vadamning ustidan chiqib, yurtingizga tashrif buyurdik. O'zbekistonda iqtidorli futbolchilar juda ko'p ekanini yaxshi bilamiz. O'zbekiston olimpiya terma jamoasi Xitoyda o'tgan Osiyo chempionatida bosh sovrinni qo'lga kiritgani bejiz emas. Ana shu iqtidorlarni to'g'ri yo'naltirish orqali mamlakatingiz futbolda katta natijalarga erishishi mumkin. Siz yuqorida Milliy olimpiya qo'mitasi, Jismoniy tarbiya va sport vazirligi va O'zbekiston futbol Associaciyasi birgalikda ish olib borishi borasida gapirib o'tdingiz. Bu juda to'g'ri yo'l. Franciya ham 40 yil avval mana shu yo'lni tanlagan. Franciya futboli ushbu darajaga etib kelguniga qadar katta yo'lni bosib o'tdi. Xato va kamchiliklarga yo'l qo'yildi.

Maqsadimiz, o'zimizning rivojlanish bosqichimiz bo'yicha tajribamiz bilan o'rtoqlashish. Buning uchun avval yurtingizdagi futbol bo'yicha umumiy holat bilan yaqindan tanishishimiz kerak. Keyin xulosa qilib, o'z takliflarimizni beramiz. Buning uchun janob Lyudovik Debryu O'zbekistonda menga qaraganda ko'proq qolib, vaziyat bilan yaqindan tanishadi. Superliga uchrashuvlarini stadiondan tomosha qiladi. Stadionlar, infratuzilmalarni ko'zdan kechiradi. Keyin o'zimizning amaliy maslahatlarimizni berishga harakat qilamiz”, - dedi Janob Kenni Jan Mari. 

Bugun Franciya futbol federaciyasi vakillari O'FAda marketing bo'yicha yurtimizdagi mutaxassislar uchun seminar o'tkazishlari rejalashtirilgan. Keyin esa “Bunyodkor” stadioniga borib, u er bilan yaqindan tanishishadi.

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing