Franciya G7 sammitini UFC turniriga to'g'ri kelib qolmasligi uchun ko'chirdi

Dastlab G7 mamlakatlari etakchilarining uchrashuvi 14-16 iyun kunlari bo'lib o'tishi rejalashtirilgan edi. Ammo keyin malum bo'lishicha, 14 iyun kuni Vashingtonda katta UFC turniri bo'lib o'tadi - bu sana AQSH bayrog'i kuniga, shuningdek, mamlakat prezidenti Donald Trampning 80 yoshga to'lishiga to'g'ri keladi.

"Prezident Tramp erkin dunyo etakchisi, shuning uchun hamkorlarimiz uni G7 sammitining o'ta muhim ishtirokchisi deb bilishadi. Ular AQSH prezidentining jadvaliga moslashish uchun iltifot bilan sanalarni o'zgartirishdi", - deya sammitning qoldirilishiga izoh berdi Oq uy vakili.

Oq uydagi UFC turniri doirasida olti yoki ettita chempionlik jangi bo'lib o'tishi kutilmoqda.

"Bizda katta ekranlar, sahna bo'ladi, kun bo'yi musiqa yangraydi. Umuman olganda, biz bir hafta davomida butun Vashingtonni zabt etamiz, muxlislar uchun ko'plab turli tadbirlar o'tkazamiz. Va, albatta, bu noyob voqea bo'ladi. Jangchilar Oq uydagi Prezident kabinetidan to'g'ridan-to'g'ri oktagonga chiqishadi", - deya elon qildi UFC rahbari Dana Uayt.