Fyuri - Uayt. 42 mln dollarlik jang huquqi tafsilotlari

Fyurining britaniyalik promouteri Frenk Uorren vatandoshi, vaqtinchalik kamar sohibi Dillian Uaytga qarshi majburiy himoya jangi tenderidagi g'alaba haqida fikr bildirdi.

Uorren Top Rank bilan hamkorlikda Eddi Xirnni deyarli 9 million dollarga ortda qoldirib, 41 025 000 dollar evaziga jangni tashkil qilish huquqini qo'lga kiritdi.

"Biz buni o'z mijozimiz uchun qilishga vada bergan edik va 42 million dollarlik reklama taklifini yutib oldik. Bu bizning «Lo'lilar qiroli»ga sodiqligimizni ko'rsatadi. WBC malumotlariga ko'ra, bu aukcionlar tarixidagi eng yirik taklifdir. To'g'risi, biz jangchilarimizni qo'llab-quvvatlaymiz va buning yana bir isboti Fyurining jangi. Ushbu boks kechasini tashkil etish uchun Top Rank bilan hamkorlik qilishdan xursandman. Sana va joyni kelasi hafta elon qilamiz, ammo Fyuri Amerikani zabt etgandan keyin uyiga qaytayotganga o'xshaydi. 

SHubham yo'qki, bu ajoyib jang bo'ladi. Uayt o'zining orzu qilgan jahon chempionligini qo'lga kiritdi. Buyuk Britaniyaning ikki og'ir vaznlilari o'rtasidagi urush yaqinlashmoqda. Ammo, faqat bitta g'olib bo'ladi. Va bu Tayson Fyuri”, - dedi Frenk Uorren.