Fyuri Usik o'rniga Uaylder bilan to'rtinchi jangni o'tkazishi mumkin

Fyuri Usikni 29 aprel kuni "Uembli"da jangga chorlagani malum bo'ldi.

Agar Aleksandr Usik bu taklifni rad etsa, Fyuri boshqasi bilan jang qilishini takidladi. Insayderlarning fikricha, raqib Deontey Uaylder bo'lishi mumkin.

Fyurining vakillari amerikalik bilan bir qancha vaqtdan beri jangni tashkil etish borasida yashirin muzokaralar olib borishmoqda. Biroq, Uaylder bilan jang Fyuri va Usik o'rtasidagi to'qnashuv muvaffaqiyatsizlikka uchrasagina bo'lishi takidlandi.

Uaylder kim bilandir muzokara olib borayotganiga uning murabbiyi Malik Skott ham intervyusida shama qilgan edi.

"Joshua jang qilishni istamagani uchun Deonteyga Endi Ruis va sirli variant raqib bo'ladi. Sirli raqib va Ruis bilan jang kafolatlanmagan. Biznes nuqtai nazaridan qarasak, Ruis bilan jang majburiy davogarlik uchun bo'ladi", - dedi Uaylderning murabbiyi.