Fyuri Usik yaqin orada yana bir chempionlik kamaridan voz kechishini aytdi

"Men WBC yo'nalishi bo'yicha Okoli va Itauma o'rtasida saralash jangi tasdiqlanganini ko'rdim, ammo vaqtinchalik chempion — Agit. Demak, ular Usikni yo unvonni himoya qilishga, yoki undan voz kechishga majbur qilishlari kerak.

SHaxsan men Usik WBC yo'nalishi bo'yicha kim bilandir jang qiladi, deb o'ylamayman, chunki bu pul tomondan manosiz. Bu janglarda pul yo'q. Unga Agit bilan jang uchun pul to'lashadimi? Lourens Okoli bilan jang uchun pul berishadimi? Yo'q. Agar sen Tayson Fyuri bilan jang qilib, katta pul olgan bo'lsang, shunchaki boshqa birov bilan jang qilmaysan. SHu sababli Usik bu ismlardan biriga qarshi unvonni himoya qilishini tasavvur qilolmayman.

SHuning uchun u Uaylder yoki ommabop, muxlislarga ega bo'lgan jangchi bilan to'qnash kelmoqchi. SHu bois men Usik WBC kamaridan ham voz kechadi, deb o'ylayman — xuddi WBO kamari bilan qilganidek. Aleksandr WBC unvonidan voz kechishi kerak. Agit jahon chempioni bo'ladi va keyin Okoli — Itauma jangi g'olibi bilan unvonni himoya qiladi.

Men Usik va Kabayel o'rtasida jang bo'lishini umuman tasavvur qilmayapman. Buning hech qanday tijoriy manosi yo'q. Boks — bu biznes, unutmang. Bu erga hamma pul ishlash uchun keladi va ketadi. SHuning uchun ham eng qiyin janglar — eng katta pullar uchun bo'ladi. Usik hozirgi darajasida eng katta janglarni, eng katta gonorarlarni xohlaydi. Agit esa har kim uchun og'ir raqib", — deya Fyurining so'zlarini Ready to Fight portali keltiradi.