02 jan 08:04
Yangiliklar

Boks/MMA

Fyuri Usikni "sindirish"ga vada berdi

Tayson Fyuri yana bir bor ukrainalik Aleksandr Usik haqida fikr bildirdi.

Og'ir vazn toifasida WBC yo'nalishi chempioni, britaniyalik charm qo'lqop ustasi Tayson Fyuri (33-0) WBA, IBF, WBO va IBO chempionlik kamarlari sohibi, ukrainalik Aleksandr Usik (20-0) bilan joriy yilda bo'lib o'tishi kutilayotgan ehtimoliy jang haqida gapirdi.

"Bu men va u xohlagan jang. Biz hammasini o'rtaga qo'yamiz va ko'ramiz. Havaskor boksda Usik o'rta, men esa og'ir vazn toifasida edim. Bu bilan Usik meni jangga chorladi. U kichkina ahmoqdek kechasi bilan vazn to'playdi. Biroq, Usikka etib borsam, uni "sindiraman", - dedi Fyuri.

Aleksandr Usik va Tayson Fyuri o'rtasidagi ehtimoliy jang joriy yilning mart oyida tashkil etilishi kutilmoqda.