G20 davlatlarining rahbarlari “Tokio-2020” va “Pekin-2022” Olimpiadalarini qo'llab-quvvatladilar

Sammitning yakunlovchi deklaraciyasida shunday deyiladi: “Biz Yaponiyaning COVID-19ni engishda global birdamligining ramzi sifatida “Tokio-2020” Olimpiya va Paralimpiya o'yinlarini o'tkazish qatiyatini qo'llab-quvvatlaymiz”.

Xalqaro Olimpiya qo'mitasi prezidenti Tomas Bax etakchi davlatlar rahbarlariga qarata bayonot bilan chiqish maqsadida bu galgi G20 sammitiga raislik qilgan Saudiya Arabistonining taklifiga ko'ra virtual yig'ilishga qo'shildi.

“Sport hayotni qutqarishi mumkin. Koronavirus inqirozi paytida sport jismoniy va ruhiy sog'lom bo'lish uchun naqadar muhim ekanligiga hammamizning ishonchimiz komil bo'ldi. Jahon sog'liqni saqlash tashkiloti buni tan olgan holda Xalqaro Olimpiya qo'mitasi bilan hamkorlik qilish to'g'risidagi bitimni imzoladi”, – dedi o'z nutqida XOQ prezidenti.

Bundan avvalroq Yaponiya Bosh vaziri Yosixide Suga shunday degan edi: “Men insoniyat virus ustidan g'alaba qozonishining ramzi sifatida Tokioda Olimpiya va Paralimpiya o'yinlarini o'tkazishga to'la qatiyatdaman. Yaqinda o'zim uchrashgan XOQ prezidenti Tomas Bax ham xuddi shunday fikrda ekanligini eshitdim. Biz O'yinlar xavfsiz tarzda o'tishi uchun barcha say-harakatlarimizni davom ettiramiz”.