Gandbol: O'zbekiston chempioni AGMK jamoasi OCHLda qatnashmoqda, ammo...

 Ushbu nufuzli musobaqada yurtimiz sharafini AGMK jamoasi himoya qilmoqda.


Musobaqada jami 11ta klub ishtirok etish istagini bildirishgan va Jiddaga etib kelgan. Tashkilotchilar tomonidan jamoalar qura yordamiga ikkita guruhga taqsimlanishdi.


“A” guruhi: “Al-Arabi” (Qatar), “Kazerun” (Eron), “Al-Salmiya” (Quvayt), “Mudhar” (Bahrayn), “Al-Najma” (Saudiya Arabistoni).


“B” guruhi: “Al-Vehda” (Saudiya Arabistoni), AGMK (O'zbekiston), “Al-Qatten” (Yaman), “Mes Kermon” (Eron), “Al-Duxayl” (Qatar), “Al-Quvayt” (Quvayt).


Mamlakatimizning amaldagi chempioni AGMK jamoasi musobaqaning dastlabki kunida Qatarning “Al-Duxayl” jamoasiga o'yinni boy berishgan bo'lsa, 2-turda Yaman davlati chempioni “Al-Qatten” gandbolchilarini 38-26 hisobida mag'lubiyatga uchratdi. Quvonarlisi, mazkur uchrashuvning eng yaxshi o'yinchisi, deb terma jamoamiz azosi Muxtor To'liboev topildi.


Biroq, keyingi turda vakillarimiz Quvayt chempioni “Al-Quvayt”ga qarshi parketga tushdi va imkoniyatni boy berdi.


Ertaga, 17 iyun kuni AGMK gandbolchilari Saudiya Arabistonining “Al-Vehda” jamoasi bilan kuch sinashadi. Guruhdagi so'nggi o'yinda olmaliqlik gandbolchilar Eron chempioni “mes Kermon”ga qarshi parketga tushadi. Mana shu ikki o'yinda qozonilajak g'alaba vakillarimiz uchun keyingi bosqich eshiklarini ochishi mumkin. Bu yo'lda ularga omad tilaymiz.


SHunindek, musobaqada xalqaro toifadagi hakamlar, samarqandlik aka-uka Hasan va Xusan Ismoilovlar ham faoliyat ko'rsatmoqda. Ular Osiyo gandbol federaciyasi hakamlar hayati tarkibiga kiritilgan.