Gandbol: O'zbekiston kubogi g'olib va sovrindorlari aniqlandi

Bir hafta mobaynida mamlakatimizning eng kuchli 7 ta jamoasi bir davrali tizimda o'zaro kuch sinashdi.

Barcha uchrashuvini g'alaba bilan yakunlagan Olmaliq shahrining OKMK jamoasi O'zbekiston kubogi sohibiga aylandi. Qoraqalpog'istonlik gandbolchilar kumush medalga sazovor bo'lishdi. Bronza medali esa Xorazm viloyati terma jamoasiga nasib qildi.

Musobaqaning taqdirlash marosimi bayramona  tarzda uyushtirildi. Tantanada qatnashgan Qoraqalpog'iston respublikasi Yoshlar siyosati va sport vaziri vazifasini vaqtincha bajaruvchi A.Allanazarov, O'zbekiston erkaklar terma jamoasi bosh murabbiyi, xalqaro toifadagi hakam U.Ikromov g'olib va sovrindor jamoalarni erishgan muvaffaqiyatlari bilan qizg'in qutlab, ularni tegishli darajadagi diplom, medal va qimmatbaho sovg'alar bilan taqdirlashdi.