Gandbol. O'zbekiston terma jamoasi ikkinchi marta jahon chempionatida qatnashadi

Bugun musobaqa doirasida O'zbekiston terma jamoasi Gonkong terma jamoasini 28:25 hisobida mag'lubiyatga uchratdi va jahon chempionati yo'llanmasini qo'lga kiritdi. 

Bu orqali gandbolchi qizlarimiz tarixda ikkinchi marta jahon chempionatida qatnashish huquqiga ega bo'lishdi. 

Bungacha O'zbekiston ayollar terma jamoasi 1997 yilda Germaniyada o'tkazilgan JCHda qatnashgan va o'z guruhida Xorvatiya, Norvegiya, Franciya, Belarus va Kanada terma jamoalariga qarshi bahs olib borib, 1 ochko bilan guruhda so'nggi o'rinni egallashgan. 

2021 yilgi jahon chempionati 1-19 dekabr kunlari Ispaniyada o'tkaziladi.