Gandbol: sportchilarimizni oldinda qanday musobaqalar kutmoqda?

Ular avvalo g'alaba qozonishib, yurt bayrog'ini yuqoriga ko'tarishga intilishadi.

Nufuzli musobaqalarda yuqori natijalar qayd etib, vatanimiz sharafini munosib himoya qilib kelayotgan gandbolchilarimizni ham yaqin kunlarda bir qator muhim musobaqalar kutib turibdi.

Sportni rivojlantirish vazirligi va Milliy Olimpiya qo'mitasining 2022-yilgi taqvim rejasiga asosan qizlar jamoamiz SHimoliy Makedoniya Respublikasining poytaxti Skope shahrida 29 iyuldan boshlangan 18 yoshli qizlar o'rtasidagi jahon chempionatida ishtirok etishadi.

9-18-avgust kunlari Turkiyaning Konya shahrida V Islom birdamlik o'yinlari o'tkazilsa, 1-15-avgust kunlari 2004-yilda tug'ilgan yoshlar o'rtasida Famagusto xalqaro turniri tashkil etiladi.

SHundan so'ng gandbolchilarimiz 19-31-avgust kunlari 2023-yilda Xorvatiya davlatida bo'lib o'tadigan Jahon chempionatiga yo'llanma beruvchi 9-Osiyo chempionati oldidan xorijiy o'quv-mashg'ulotlar yig'inini o'tkazishadi.

Bo'lajak musobaqalarda gandbol bo'yicha o'smirlar, yoshlar va kattalar terma jamoalarimizga omad tilaymiz.