Gandbol: terma jamoalarimiz o'quv-mashg'ulot yig'inlarida ishtirok etmoqda

Ushbu muvaffaqiyatlarning asosiy omili sifatida O'zbekiston terma jamoalari azolari muntazam ravishda o'quv-mashg'ulot yig'inlarida ishtirok etishi, tarkib esa yosh, iqtidorli sportchilar bilan to'ldirib borilishi hamda sportchilarimiz mashg'ulotlar jarayonida o'z mahorat, tajribalarini orttirib borishayotganliklarini ko'rsatish mumkin.

Qisqa muddatlik tanaffusdan so'ng gandbolchi qizlarimiz 2020 yil 1 noyabrdan Namangan shahridagi Muhandislik qurilish institutining 2-sport zalida ikki haftalik o'quv-mashg'ulotlar yig'iniga kirishdi.

2020 yil 1-20 noyabr kunlari esa Samarqand shahridagi 2-sonli Akademik licey sport zalida o'smirlar terma jamoasi azolari uchun ham o'quv-mashg'ulotlar yig'ini tashkil etilgan.

Har ikkala terma jamoamiz azolarining o'quv-mashg'ulotlar yig'ini karantin qoidalariga qatiy amal qilingan holda tashkil etilgan bo'lib, har kuni muntazam ravishda sportchilarning salomatliklari tekshirib borilmoqda.