Gandbol. U-18 jamoalari o'rtasida O'zbekiston kubogi yakunlandi + FOTO

O'zbekiston Respublikasi Sport vazirligi hamda Gandbol federaciyasining 2024 yilgi sport musobaqalari taqvim-rejasiga ko'rp, Abu Ali Ibn Sino nomidagi Buxoro davlat tibbiyot institutining sport bazasida gandbol bo'yicha o'n sakkiz yoshgacha bo'lgan o'g'il bolalar va qizlar jamoalari o'rtasida O'zbekiston kubogi o'tkazildi.

O'g'il bolalar jamoalari o'rtasida Samarqand viloyati vakillari kubok sohibi bo'lishdi. Ikkinchi o'rin Buxoro viloyati, uchinchi o'rin esa Navoiy viloyati jamolariga nasib etdi.

Qizlar jamoalari orasida Qoraqalpog'iston Respublikasi gandbolchilari zafar quchishdi. Keyingi sovrinli o'rinlarni mos ravishda Sirdaryo va Xorazm viloyati jamoalari egallashdi.

Musobaqaning “eng yaxshi o'yinchilari” nominaciyalarida Ozod Musaev (Samarqand viloyati), Behruz Rahmonov (Navoiy viloyati), Nursulton Bozorboev (Buxoro viloyati), Zuhra Erkaboeva (Xorazm viloyati), Dilfuza Ibraimova (Qoraqalpog'iston) va Uljan Qidirbaeva (Qoraqalpog'iston) etirof etildi.

Ikrom XUDOYBERGANOV tayyorladi