Gandbolchi qizlarimiz xalqaro musobaqaning finaliga chiqishdi

23 dekabr kuni start olgan ushbu nufuzli musobaqada O'zbekiston erkaklar va ayollar terma jamoasi ham ishtirok etishmoqda.

Bugun, 30 dekabr kuni musobaqaning erkaklar va ayollar o'rtasidagi yarim final bahslari bo'lib o'tdi.

Etiborlisi, gandbol bo'yicha ayollar terma jamoamiz murosasiz o'tgan bahslarda Yaponiya ayollar terma jamoasini 35:31 xisobida mag'lubiyatga uchratib, final yo'llanmasini qo'lga kiritdi. 

Ertaga, 31 dekabr kuni vakillarimiz g'oliblik uchun Xitoyni Taypey ayollar terma jamoasiga qarshi to'p surishadi. 

Erkaklar o'rtasidagi yarim final bahslarida terma jamoamiz azolari omadsizlikka yuz tutishdi. Vakillarimiz Yaponiya terma jamoasiga qarshi uchrashuvda 25:28 hisobida imkoniyatni boy berishdi. Ertaga terma jamoamiz musobaqaning bronza medallari uchun Tayland jamoasi bilan kurash olib boradi.