Gandbolchilarimiz Italiyadagi jahon kubogida oltin medallarni qo'lga kiritishdi

Turli yosh toifalari o'rtasida o'tkazilgan musobaqada jahonning 34 ta mamlakatidan 123 ta jamoa ishtirok etdi. Unda yurtimiz sharafini 2000 yillarda tug'ilgan sportchilardan tashkil topgan ROZK (O'zbekiston U-18 terma jamoasi) jamoasi himoya qildi. Hamyurtlarimiz ishtirok etgan yosh toifasida 14ta jamoa qatnashdi.

Murabbiylar Ulug'bek Ikromov va Zafar Azimov boshchiligidagi yoshlarimiz guruh bosqichida "Lanester" (Franciya), "Grunvald" (Polsha), "Virum Sorgenfri" (Daniya), "Mountada" (Marokash), "Kozanis" (Greciya) kabi jamoalarga qarshi kurash olib borishdi. Vakillarimiz ilk o'yinda Franciyaning "Lanester" jamoasini 18:8 hisobida mag'lub etishdi. Ikkinchi o'yinda "Grunvald" ustidan 23:16 hisobida g'alaba qozonishdi. Uchinchi bahsda esa "Kozanis" 26:8 hisobida taslim etildi. "Mountada"dan 21:14 hisobida ustun kelishdi. Keyinchalik "Virum Sorgenfri"ga qarshi bahsda 15:13 hisobida g'olib bo'lishdi.

Gandbolchilarimizga musobaqa yarim finalida yana o'sha  "Virum Sorgenfri" klubi raqib bo'ldi va yoshlarimiz bu safar ham raqibni taslim etishni uddalashdi. Hisob 15:8. Hal qiluvchi bahsni hamyurtlarimiz SHveycariyaning "SHenois Jeneva" jamoasiga qarshi o'tkazishdi va 18:9 hisobida g'alaba qozonishdi. SHu tariqa hamyurtlarimiz musobaqa davomida o'tkazilgan etti uchrashuvning barchasida zafar quchib, oltin medallarga sazovor bo'lishdi.

Milliy olimpiya qo'mitasi ushbu muvaffaqiyat bilan O'zbekiston gandbol federaciyasini, g'olib sportchilarimiz va murabbiylarni tabriklaydi.