Gandboldagi o'zgarish: O'zbekiston hali jahon chempionatiga chiqmadi

Ushbu g'alaba orqali gandbolchilarimiz jahon chempionatiga yo'l olgani haqida xabar qilgandik. Ammo, kutilmaganda Xalqaro gandbol federaciyasi Osiyo terma jamoalari uchun belgilangan kvotalar o'zgargani haqida xabar berdi. Endilikda Osiyo chempionati orqali beshta terma jamoa jahon chempionatiga yo'l oladi.

Qizlarimiz jahon chempionatiga yo'l olish uchun ertaga Toshkent vaqti bilan soat 17:00da Gonkongga qarshi kechadigan bahsda g'alaba qozonishlari lozim bo'ladi. 

Malumot uchun, Osiyo chempionatida oltita terma jamoa JCH yo'llanmasini qo'lga kiritishi lozim edi. 12 ta terma jamoa 2 guruhga bo'lingan holda kurash olib borishlari belgilab qo'yilgandi. So'nggi lahzada Qatar terma jamoasi chempionatda ishtirok etmasligini malum qildi va guruhimizda beshta terma jamoa qoldi. SHu sababli ham Xalqaro gandbol federaciyasi 11 ta terma jamoa ishtirok etadigan musobaqaga 6 ta kvota ajratmaslikka qaror qildi. Endi musobaqa yakuniga ko'ra 5 ta terma jamoa jahon chempionatiga boradi. 

Oltinchi kvota? XGF ushbu kvotani Xitoy terma jamoasiga taqdim etdi. Ko'rinishidan, bunday uchun bosh gandbol tashkiloti uchun marketing tomonlama foydaliroq hisoblanadi.