Getji Konorga qarshi jang uchun o'z shartlarini aytdi

— Men katta janglarda kurashishni yaxshi ko'raman. Bu juda hayajonli tuyuladi, lekin men steroidlarni qabul qilgan odam bilan jang qilmoqchi emasman. 

Hayotimda hech qachon steroid qabul qilmaganman va qabul qilmayman ham. Faoliyatimni tugatsam, balki sinab ko'rarman. Lekin, men umrimda hech qachon steroid qabul qilmaganman va aldaganlar bilan jang qilishni xohlamayman. O'ylaymanki, agar bu jangni qo'lga kiritishni istasam, buni aytmasligim kerak, ammo bu haqiqat. 

Getjining so'zlariga ko'ra, u navbatdagi raqibi kim bo'lishini UFC ixtiyoriga topshirdi. Katta ehtimol uning navbatdagi raqibi Konor Makgregor yoki Islam Maxachev - CHarlz Oliveyra chempionlik jangi g'olibi bo'lishi mumkin.

— Ko'ramiz, voqealar rivoji qanday bo'lar ekan. UFC janglarni rejalashtirmoqda. SHaxsan men hech qanday tasavvurga ega emasman. 

Pore bilan trilogiyaga kelsak, Getji, bu haqida ham gapirdi. 

— Jangdan keyin oktagonda unga aytdim: "Do'stim, kel boshqa bir-birimiz bilan jang qilmaslikga kelishib olaylik. Albatta, agar buni istamasang men tayyorman". O'rtamizdagi hisob 1:1, shunday ekan ko'ramiz. U menga rad javobini bermagan, men ham unga bu imkoniyatni beraman. Lekin, bu mening navbatdagi jangim bo'lishini xohlamayman.