"Golden Steyt" "Dallas"ni mag'lub etib, pley-off finaliga yo'l oldi + VIDEO

San-Fransiskodagi (AQSH) "Chase Center" arenada NBA G'arbiy konferenciya pley-off seriyasining beshinchi o'yini bo'lib o'tdi. Unda "Golden Steyt Uorriorz" klubi "Dallas Maveriks"ni qabul qildi. Uchrashuv 120:110 hisobida mezbonlarning g'alabasi bilan yakunlandi. Ushbu g'alaba mezbonlarga NBA pley-off bosqich finaliga chiqish imkonini berdi. Seriyadagi umumiy hisob 4:1 ko'rinishiga keldi.

Sloveniyalik Luka Donchich 28 ochko, 9 riband va 6 samarali uzatma bilan "Dallas" tarkibida eng yaxshi natijani ko'rsatdi. "Golden Steyt"ning g'alabasiga eng katta hissani Kley Tompson (32 ochko, 2 riband va 3 samarali uzatma) va dabl-dabl (18 ochko, 10 ribaund va ikkita golli uzatma) amalga oshirgan Endryu Uiggins qo'shishdi.

"Golden Steyt"ning finaldagi raqibi "Boston Seltiks" va "Mayami Xit" o'rtasidagi seriyada aniqlanadi. Hozircha jamoalar o'rtasidagi seriyada "Boston Seltiks" 3:2 hisobida oldinda boryapti.

Quyida uchrashuvning Highlights'ni tomosha qiling.