Guliston shahrida sportchi va yoshlar bilan uchrashuv tashkil etildi

Tadbir Sirdaryo viloyati Jismoniy tarbiya va sport boshqarmasi hamda Yoshlar ittifoqi Sirdaryo viloyati Kengashi bilan hamkorlikda tashkil etildi.

Tadbir davomida Guliston viloyati Jismoniy tarbiya va sport boshqarmasi boshlig'i I.O'roqov so'zga chiqib, yurtimizda sportga berayotgan etibor, chekka hududlarda jahon andozalariga to'liq javob bera oladigan sharoitlarga ega sport inshootlarining bunyod etilayotganini takidlab o'tdi.

Uchrashuvda O'zbekiston Respublikasi Jismoniy tarbiya va sport vazirligi tomonidan 2019 yil davomida Xovos, Boyovut , Sardoba tumanlarida yangi sport inshootlari hamda Guliston shahrida gimnastika sport turlariga ixtisoslashtirilgan bolalar-o'smirlar sport maktabi qurib foydalanishga topshirilgani to'g'risida malumot berildi. Viloyatdagi tuman va shaharlarda mavjud bo'lgan 11 ta bolalar-o'smirlar sport maktablariga turli xildagi 100 ga yaqin, jami 1,5 millyard so'mdan ortiq sport jihozlari etkazib berilgan.

SHuningdek, tadbirda ushbu imkoniyatlardan yoshlarimiz samarali foydalanib jahon arenalarida Vatanimiz sharafini munosib himoya qilishlari lozim ekanligi takidlab o'tildi. Ochiq muloqot tarzida o'tgan davra suhbati davomida sportchi-o'quvchilar o'zlarini qiziqtirgan savolariga to'liq va atroflicha malumot olishdi.