12 mar 17:15
Yangiliklar

Dzyudo

Gulistonda O'zbekiston chempionatining ochilish marosimi o'tkazildi FOTOGALEREYA

Xabar berganimizdek, bugun Sirdaryo viloyati markazi Guliston shahrida dzyudo bo'yicha o'smirlar o'rtasida mamlakat birinchiligi boshlandi.

Uch kun davom etadigan ushbu musobaqada Qoraqalpog'iston Respublikasi, barcha viloyatlar hamda Toshkent shahridan 2003-2004 yillarda tavallud topgan jami 690 (427 o'smir, 231 qiz) nafar yosh dzyudochi ishtirok etyapti.

Biroz avval O'zbekiston chempionatining tantanali ochilish marosimi o'tkazildi. Unda Sirdaryo viloyati Jismoniy tarbiya va sport boshqarmasi boshlig'i Iftixor O'roqov va musobaqa bosh hakami Baurjan Abishev so'zga chiqib, ishtirokchilarga omad tilashdi.

Mamlakat chempionati bellashuvlarini terma jamoa murabbiyi, yaponiyalik mutaxassis Tomo Tori ham kuzatib boryapti.