Gulistonda zamonaviy dzyudo zali foydalanishga topshirildi FOTOGALEREYA

Unda viloyat hokimi G'ofurjon Mirzaev, Xalq talimi vaziri Baxtiyor Saidov, O'zbekiston Milliy Olimpiya qo'mitasi raisininig o'rinbosari – mamlakat dzyudo federaciyasi raisi Azizjon Kamilov ishtirok etdi.

"Qisqa fursatda O'zbekiston Respublikasi Xalq talimi vazirligi, Milliy olimpiya qo'mitasi hamda O'zbekiston dzyudo federaciyasi hamkorligida sirdaryolik yoshlar uchun sovg'a hozirlashga harakat qildik. O'ylaymanki, Sirdaryo viloyatidan, aynan shu zaldan yaqin yillarda O'zbekiston terma jamoasi azolari etishib chiqadi. Biz yaqinda Sirdaryo viloyati dzyudosiga yangi rahbar saylagandik. To'lqin Tulyanovich dzyudoni juda ham yaxshi ko'radilar. Ishonchim komil, bu sirdaryolik dzyudochilar muvaffaqiyatidagi birinchi omil bo'ladi. Hozir yosh dzyudochilarga qarab turib, yangi Rishod Sobirov, Davlat Bobonovlarni ko'rgandek bo'lyapman. Bu narsa ularning ko'zidagi ishonchda namoyon bo'lyapti. Bolalar, orzuning o'zi kamlik qiladi, faqat mehnat bilan cho'qqiga chiqishingiz mumkin. SHu narsani o'zingizga shior qilib olsangiz, kelajakda ota-onangiz, yaqinlaringiz va eng muhimi – Vatanimizni ko'klarga ko'tarasiz. Prezidentimiz sport bilan shug'ullanishingiz uchun barcha sharoitlarni muhayyo qilib beryaptilar. Faqat ishlash qolyapti. Biz sizlarga ishonamiz! Eng muhimi, ana shu ishonchi sizda ham bo'lsin", - dedi A.Kamilov. 

Malumot uchun, bugungi kunda Sirdaryo viloyatida 600 nafarga yaqin yoshlar dzyudo bilan muntazam shug'ullanib kelishmoqda. O'smirlar orasidan 4 nafari O'zbekiston terma jamoasi azosi hisoblanadi. Ushbu ko'rsatkichlarni yanada oshirish, yoshlarning dzyudo bilan professional tarzda shug'ullanishlari uchun yangi qurilgan sport zalda barcha imkoniyatlar yaratilgan.

Tadbirda sportchi yoshlar o'zlarining ko'rgazmali chiqishlari bilan barchaga ko'tarinki kayfiyat ulashdi. SHuningdek, ishtirokchilarga tashkilotchilar tomonidan estalik sovg'alari taqdim etildi.