14 fev 20:57
Yangiliklar

Tadbirlar

Hamyurtimiz - Butujahon qo'l jangi federaciyasi vice-prezidenti!

Bugun Rossiya Federaciyasi poytaxti Moskva shahrida Butujahon qo'l jangi federaciyasining yillik Kongressi o'tkazildi.

Unda 2018 yil yakunlari sarhisob qilindi hamda 2019 yili o'tkaziladigan nufuzli musobaqalar taqvimi tasdiqlandi. Tadbirda shuningdek, Butujahon qo'l jangi federaciyasining amaldagi prezidenti Sergey Aleksandrovich Astaxov o'z lavozimiga qaytadan saylandi.

Biz uchun quvonarlisi, O'zbekiston qo'l jangi federaciyasi raisi o'rinbosari Baxtiyor Mirzaqulov Butunjahon qo'l jangi federaciyasi vice-prezidenti etib tayinlandi.

Aytish kerak, bu tayinlov o'z-o'zidan bo'lib qolmadi. Bunga yurtimizda yuqori saviyada tashkil etilgan Osiyo chempionati, shuningdek, xalqaro professional reyting janglari hamda o'zbek qo'l jangi ustalarining jahonda kuchlilar qatoridan joy olib kelayotgani sabab bo'ldi.