25 may 10:11
Yangiliklar
Parij-2024, Paralimpiya
Hamyurtimiz Parij-2024 yozgi Paralimpiya o'yinlariga ikkinchi licenziyasini qo'lga kiritdi!
Bugun Yaponiyaning Kobe shahri mezbonlik qilayotgan para engil atletika bo'yicha jahon chempionati o'z yakuniga etadi.
Qudratullaxon Marufxo'jaev disk uloqtirishda ham tengsiz bo'ldi va Parij-2024 yozgi Paralimpiya o'yinlariga ikkinchi licenziyasini qo'lga kiritdi!
Quvonarlisi, musobaqaning so'nggi kuni ham biz uchun muvaffaqiyatli boshlandi. Bundan biroz avvalroq erkaklar o'rtasida F37 klassida disk uloqtirish dasturida startga chiqqan hamyurtimiz Qudratullaxon Marufxo'jaev 54.11 metr natija bilan delegaciyamiz hisobiga navbatdagi oltin medalni qo'shib qo'yish bilan bir qatorda ushbu yo'nalishda Parij-2024 yozgi Paralimpiya o'yinlariga ham to'g'ridan-to'g'ri licenziyani qo'lga kiritdi.
Eslatib o'tamiz, Qudratullaxon Marufxo'jaev bundan avval ushbu jahon chempionatida yadro uloqtirish dasturida 15.68 metr natija bilan oltin medalga sazovor bo'lgan edi.
Havola :
Manba : paralympic.uz
Fikrlar