Hasanxon Baratovning navbatdagi jang sanasi, manzili va raqibi malum

Bu galgi turnir kikboksing sport turidan o'tkaziladi. Biz uchun ahamiyatlisi, musobaqa kardidan Hasanxon Baratov ishtirokidagi jang ham o'rin olgan. Hamyurtimiz shu kuni kikboksing bo'yicha 2021 yilgi jahon chempioni, MDH o'yinlari g'olibi, rossiyalik Dmitriy Vasenevga qarshi ringga chiqadi.  

Ushbu turnirda muaytay va kikboksing yulduzlari - K1 yo'nalishida bir necha karra jahon chempioni, tayboks afsonalaridan biri Aleksey Kudin, taniqli MMA jangchisi Arseniy Smirnov, WAKO yo'nalishida jahon chempioni Asadulla Nasipov, jahon va Evropa chempioni Basir Abakarov, boks va MMAda yaxshi natijalarga erishib kelayotgan Aleksey Golub singari jangchilar ringga chiqadi. 

Eslatib o'tamiz, Hasanxon Baratov (9-3-0) bundan avvalgi jangini ham aynan Ekaterinburg shahrida tashkil etilgan MMA va kikboksing bo'yicha RCC 17 turniri doirasida o'tkazgan edi. O'shanda og'ir vazn toifasidagi o'zbekistonlik aralash yakkakurash ustasi kikboksing qoidalari asosida o'tkazilgan jangda rossiyalik Sergey Veselkin (14-3-0)ga imkoniyatni boy berib qo'ygandi.