25 okt 18:43
Yangiliklar

Dzyudo

Hikmatulloh To'raev terma jamoamizga ikkinchi bronza medalini taqdim etdi

“Katta Dubulg'a” turkumiga kiruvchi Abu-Dabi musobaqasining kechki dasturida dzyudochimiz Hikmatulloh To'raev bronza medalini qo'lga kiritdi.

-73 kg vazn toifasida yurtimiz sharafini himoya qilgan polvonimiz hozirgina yakuniga etgan bellashuvda belgiyalik Dirk Van Ticheltni vazari bahosi evaziga mag'lubiyatga uchratdi. Ushbu g'alaba To'raevga bronza medali bilan birga 500 reyting ochkosini ham taqdim etdi.

Eslatib o'tamiz, Hikmatulloh To'raev Abu-Dabi turnirida albaniyalik Jon Vrenozi, xitoylik Daga Kving, perulik Alonso Vong, ozarbayjonlik Rustam Orujovdan ustun kelgan, yarim finalda esa kanadalik Artur Margelidonga imkoniyatni boy berib qo'ygan edi.

Bu terma jamoamizning ikkinchi medali bo'ldi. Kechagi bahslarda -60 kg vazn toifasida tatamiga chiqqan Rio-2016 Olimpiadasi sovrindori Diyorbek O'razboev ham bronza medalini qo'lga kiritgan edi.