"Hozircha bu faoliyatimdagi eng muhim jang". Murodjon Ahmadaliev Mayamida Daniel Roman bilan to'qnash keldi + FOTO

Kecha Ahmadaliev mazkur jang oldidan Mayamida Daniel Roman bilan yuzma-yuz keldi. 

"Bu tarixiy damlar. Sakkizinchi jangdayoq ikki vazn toifasida chempion bo'lgan o'zbekistonlik birinchi bokschi bo'lish - katta tarixiy muvaffaqiyatdir. Men mamlakatimni tanitmoqchiman. Boks - O'zbekistonda birinchi raqamli sport turi, Xudoning qo'llashi bilan barchasi yaxshi bo'ladi. 

Bu reallikka aylanayotgan orzudir. Men 17 yil davomda ushbu cho'qqiga keldim, kuniga ikki martadan mashg'ulotlar o'tkazardim. Judayam ko'p jarohat oldim, barcha qurbonliklar mana shunday janglar uchun edi. Bilaman, ko'pchilik menda tajriba etmayapti, Denni meni nokaut qiladi yoki shunga o'xshash holat bo'ladi deb o'ylamoqda. Lekin ishoning, men buning uchun hayotimning 17 yilini bag'ishladim, jang kuni xech narsa o'zgarmaydi. 

Hozircha bu faoliyatimdagi eng muhim jang. Men ikki yo'nalish chempionligi uchun jang qilaman. Bu oldinga tashlangan katta qadamdir. Biz murabbiylarim Antonio va Joel Dias bilan ushbu jangga juda yaxshi tayyorgarlik ko'rdik.

Bungacha ettita jang o'tkazdim, ularning xech qaysisida raqibim meni g'alabadan mahrum qila olishi mumkinligini his qilmadim. Men ushbu jangni oldingilari bilan taqqoslayotganim yo'q, saviyani tushunib turibman va qiyin jang bo'lishini bilaman. 

Uning tajribali ekanligi haqida gapiraverishsin. Biz ringda to'qnash kelganimizda kim kuchli, tajribali, tezkor va aqlli ekanligimiz aniq bo'ladi. Men ko'p gapirishni yoqtirmayman. Men jang qilishni yaxshi ko'raman va ushbu bahsni sabrsizlik bilan kutmoqdaman", - dedi Ahmadaliev.