"Humo" yosh xokkeychilar uchun o'ziga xos tadbir uyushtirdi + FOTO

Tadbir davomida O'zbekiston xokkey federaciyasi mutasaddilari, "Humo" xokkey klubi rahbariyati va jamoa azolari, mehribonlik uyi tarbiyalanuvchilaridan tashkil topgan xokkey jamoasi azolari va OAV xodimlari ishtirok etishdi. 

Yosh xokkeychilar "Humo" kiyinish xonasiga kirib, katta jamoadagi muhitni his qilishdi. O'sha erning o'zida ular o'zlarining sevimli xokkeychilari bilan uchrashib, birgalikda suratga tushish, dastxat olish imkoniyatiga ega bo'lishdi. 

Uchrashuv davomida "Humo" bosh murabbiyi Evgeniy Popixin so'zga chiqib, aynan mana shu yosh yigitlardan kelajakda O'zbekiston terma jamoasi azolari etishib chiqishi, aynan ular kelajakda jahon chempionati va Olimpiya o'yinlarida mamlakat sharafini himoya qilishini takidlab o'tdi. Yosh xokkeychilar uchun o'zining eng samimiy tilaklarini bildirib o'tdi. 

SHundan so'ng "Humo" jamoasi tomonidan yosh xokkeychilarga xokkey ekipirovkalari sovg'a sifatida topshirildi. 

O'z navbatida bolajonlar ko'rsatilgan bunday etibordan xursand ekanliklarini yashirib o'tirishmadi, ushbu uchrashuvdan bir olam taassurot olishdi. 

"Bunday tadbirda ishtirok etish juda yoqimli. Yosh xokkeychilar juda kayfiyatda oldimizga kelishdi, jamoamiz azolari ham ushbu uchrashuvdan xursand bo'lishdi. 

O'zbekistonda "Humo Arena" bunyod etilganidan so'ng xokkey bir pog'ona yuqoriga ko'tarildi. O'yinlarga ham qiziqish kuchayib bormoqda. O'zbek men uchun mehnatsevar, adolatli, jonkuyar va madaniyatli insonlardir. Ushbu hislatlar xokkeychi uchun aynan kerakli jihatdir. Ishonchim komilki, 10-12 yildan ushbu yosh xokkeychilar terma jamoa yulduzi sifatida shakllanadilar. Agar infratuzilma to'g'ri yo'lga qo'yilsa, mamlakatda xokkey ham rivojlanadi. Bugungi yoshlar kelajakda JCH va Olimpiadada O'zbekiston sharafini himoya qiladilar. 

Bayram oldidan barchani muborakbod etaman. Bu erda insonlar ajoyib. Bozorlarga borib odamlar bilan miriqib gaplashasan, hazillashasan. Mana shunday mamlakatda xokkeyni yanada rivojlanishini istaymiz", - dedi Evgeniy Popixin.

Suratlar muallifi - Tolibjon Qosimov