Humoyun Sultonov beshinchi raketkani mag'lub etdi

Jarohatlar sabab musobaqalarda ishtirok eta olmagan va buning natijasida reytingda yaxshigina pastlagan Humoyun Sultonov Klagenfurt turniridagi ishtirokini g'alaba bilan boshlagandi. 

Mamlakatimizning sobiq birinchi raketkasi 1/8 finalda ikkinchi muhim g'alabasiga erishdi. Sultonov turnirning beshinchi raketkasi, germaniyalik Luis Vesselsni uch set natijasiga ko'ra mag'lubiyatga uchrata oldi - 6/3, 3/6, 6/3. 

Taqqoslash uchun, Sultonov ayni paytda ATP reytingida 806, Vessels esa 657-o'rinni egallab turibdi. Bu tennischilarning o'zaro o'tkazgan ilk uchrashuvi bo'ldi. Endi Humoyun 1/4 finalda yana bir olmon tennischisi Kelvin Myullerga qarshi kortga chiqadi. ATP reytingida 924-pog'onadan joy olgan Myuller 1/8 finalda turnirda to'rtinchi raqam ostida tasniflangan, dunyoning 553-raketkasi vengriyalik Peter Faytani 6/4, 7/5 hisobida engishga muvaffaq bo'ldi.