Humoyun To'xtamurodov ketma-ket to'rtinchi bor qozog'istonlik sportchi bilan jang qiladi. Sana va manzil aniq

U 19 oktyabr kuni Qozog'istonning Qarag'anda shahrida tashkil etiladigan Naiza 68 turniri doirasida oktagonga ko'tariladi.

25 yoshli Humoyunga musobaqa doirasida Qozog'iston vakili Bekjan Abilkassim raqiblik qiladi.

22 yoshli Abilkassim hozirga qadar 3 ta jangda ishtirok etib, ularning barchasida raqiblaridan ustun kelgan. Humoyun To'xtamurodovning hisobida esa 10 ta g'alaba va bundan tashqari, 3 ta mag'lubiyat bor. U so'nggi uchta jangida qozoqlar bilan to'qnash kelib, barcha jangda zafar quchdi.