20 mar 18:35
Yangiliklar

Boks/MMA

"Hurmat qilardim, agar mast bo'lmaganida". Saul Alvares Mayk Taysonga keskin javob qaytardi

Ikkinchi o'rta vazn (76,2 kg) toifasida mutlaq jahon chempioni Saul Alvares boks afsonasi Mayk Taysonning tanqidiga munosabat bildirdi.

Meksikalik jahon chempionining javobi ancha keskin chiqdi. Avvalroq, Tayson Saul Kaneloni sobiq WBC chempioni Devid Benavidesga qarshi jangdan qochishda ayblagandi: "Kanelo yutqazib qo'yishdan shunchalik ham qo'rqadimi? Bu boks hamda Meksika uchun sharmandalik".

"Men uning fikrlarini hurmat qilardim, agar u mast holatda bo'lmaganida", — dedi Alvares.

Eslatib o'tamiz, Saul Alvares so'nggi jangini o'tgan yilning kuzida Jermell CHarloga qarshi o'tkazib, raqibini ochkolar hisobiga ko'ra mag'lubiyatga uchratgan edi.