Iga Svyontek Potapovaga beshta geym berdi

Polshalik tennis malikasi ikkinchi bosqichda WTA reyingida 45-o'rinni egallab turgan rossiyalik Anastasiya Potapovani ortiqcha qiyinchiliksiz mag'lubiyatga uchratdi - 6/1, 6/4. Bu tennis malikalarining o'zaro ikkinchi uchrashuvi edi - 2:0. 

Etmish to'rt daqiqa davom etgan bahsda Svyontek 4, Potapova 2 ta eys zarbasini amalga oshirdi. Ikkala tennischi ham 4 tadan qo'shxatoga yo'l qo'ygan. Endi Iga uchinchi bosqichda Marta Kostyukka qarshi kortga chiqadi. Ukrainalik tennischi ikkinchi bosqichda germaniyalik Tatyana Mariyani tor-mor etdi - 6/0, 6/1.