Ikki dzyudochimiz chexiyalik jarroh yordamida operaciya qilindi

SHifokorlar har ikki dzyudochimizga tizza bo'g'imining oldingi ikssimon bog'lami shikastlanishi tashxisini qo'yishgan edi. Kuni kecha chexiyalik malakali xirurg Yuriy Luboyacki dzyudochilarimizda jarrohlik amaliyotini muvaffaqiyatli tarzda o'tkazdi. 

Bundan tashqari, Luboyacki to'rt kun davomida boshqa sport turi vakillarining jarrohlik amaliyotini ham o'tkazdi. Operaciyalarda terma jamoamiz shifokori Aziz Qayumov ham bevosita ishtirok etdi. 

Kecha Yuriy Luboyacki O'zbekiston dzyudo federaciyasida mehmon bo'ldi. Unda federaciya bosh kotibi Ulug'bek Kabulov chexiyalik mutaxassisga MOQ raisi o'rinbosari, mamlakat dzyudo federaciyasi raisi Azizjon Kamilovning tashakkurnomasi hamda esdalik sovg'alarini taqdim etdi.