Ikki erkin kurashchimiz Jahon chempionatining yarim finalida!

Quvonarlisi, bugun bahslarga kirishgan uch nafar erkin kurashchimizdan ikkisi jahon chempionatining yarim finaliga yo'l oldi. 

-48 kg vazn toifasida yurtimiz sharafini himoya qilayotgan Kamronbek Qadamov mo'g'ulistonlik Otgonbaatar Boldbaatarni 11:0, ozarbayjonlik Javid Javadovni 8:4 hisobida mag'lub etib, yarim finalga yo'l oldi. Endi u final chiptasi uchun hindistonlik Udit Uditga qarshi gilamga chiqadi. 

-55 kg vaznda gilamga chiqayotgan o'smirlar Olimpiadasi g'olibi Umidjon Jalolov ham yarim final ishtirokchisiga aylandi. Istedodli kurashchimiz kanadalik Fotis Devid Papadopoulosni 10:0, qirg'izistonlik Mirbek Sarabekovni 10:0, hindistonlik Aman Amanni 3:0 hisobida engdi. Jalolovning yarim finaldagi raqibi turkiyalik Muhammad Karavus bo'ladi.

-65 kg vaznda o'z mahoratini namoyish etayotgan Qudratbek Nurullaev 1/8 finalda qirg'izistonlik Islam Bakitbekovdan 14:8 hisobida taslim etdi. Ammo, chorak final bellashuvida rossiyalik Batirbek Cxovrebovga 2:4 hisobida imkoniyatni boy berib qo'ydi. Agar Cxovrebov finalga yo'l olsa, u holda Nurullaevda bronza medali uchun imkoniyat saqlanib qoladi.