Ikki hafta davomida sport va futzal bilan yashaymiz!

250 nafardan ortiq delegaciya bilan qo'shni yurtga etib borgan sportchilarimiz ertadan musobaqadagi ishtiroklarini boshlaydilar. 17 sentyabr kuni ochilish marosimi bo'lib o'tadigan yopiq inshootlar o'rtasidagi Osiyo o'yinlari bu safar alohida qiziqishlarga sabab bo'layapti. 

Musobaka tashkilotchilarini, to'rt yillikning muhim o'yinlarini saviyasini oshirish maqsadida, bu safar Okeaniyadan ham bir nechta davlatlarni o'ziga qo'shib oldi. Jami 62ta davlatdan kelgan sportchilar g'oliblik uchun kurash olib boradilar. Bahodir Ahmedov boshchiligidagi O'zbekiston futzal terma jamoasi medallar uchun kurashishi kutilmoqda. Raqiblar o'sha-o'sha, Yaponiya, Eron va Tailand. 

Aksar sport turlari bo'yicha ikkinchi tarkibi bilan ketgan delegaciyamizdan maksimal natija kutib qolamiz. Hisob bo'yicha 5-musobaqada 21ta sport turi bo'yicha g'oliblar aniklanadi. Avvalgi musobaqada O'zbekiston terma jamoasi yakuniy hisobda 10-o'rinni olgan edi. O'shanda 3ta oltin, 4ta kumush 3ta bronza medallariga ega chiqqanmiz. Turkmanistonda Incheondagi natijamizni yaxshilashni kutib kolamiz. 

Xuddi Bokuda bo'lib o'tgan Islom birdamligi o'yinlarida bo'lgani kabi, championat.asia va olamsport.com saytlarida musobaqa professional tarzda yoritib boriladi. Bu borada O'zbekiston jismoniy tarbiya va sport davlat qo'mitasi hamda O'zbekiston milliy olimpiya qo'mitalariga o'z minnatdorchiligimizni bildiramiz. 

Demak, saytimizda siz-u, bizni qaynoqqina ikki hafta kutayapti. 

Nodirxo'ja Yuldashev
Turkmaniston, Ashxobod.