Ikki nafar taekvondochimiz Olimpiada licenziyasini qo'lga kiritishga yaqin

Musobaqada uch nafar o'zbekistonlik taekvondochi licenziya uchun kurash olib bormoqda. 

Bugungi bahslarda ikki hamyurtimiz bahslarda qatnashmoqda. 

Erkaklar o'rtasida -68 kg vaznli Ulug'bek Rashitov birinchi davrada mo'g'ulistonlik raqibni 28:11, ikkinchi bosqichda esa filippinlik sportchini 23:9 hisobida mag'lub etdi. Birozdan so'ng u yarim finalda qozog'istonlik Qayrat Sarimsakovga qarshi jang qiladi. Ushbu jang g'olibi final bilan birgalikda, Tokio Olimpiadasi licenziyasini ham qo'lga kiritadi. 

Ayollar o'rtasidagi bellashuvlarda esa Nigora Tursunqulova -67 kg vazn toifasidagi bahslarda qatnashadi. Etiborlisi, ushbu vaznda faqatgina uch nafar taekvondochi qatnashadi. Licenziya esa ikkita. Mezbon sportchi Yulyana Al Sodiq reytingi yuqoriroq bo'lgani sabab to'g'ridan-to'g'ri finalga chiqqan. Aniqrog'i, u licenziyani naqd qilib qo'ygan. Yarim finalda esa Nigora Tursunqulova qatarlik Maram Fatnassiga qarshi jang qiladi. Agar taekvondochimiz ushbu jangda g'alaba qozonsa, Tokio Olimpiadasiga yo'llanma oladi. 

Janglar birozdan so'ng boshlanadi. 

+67 kg vaznli Svetlana Osipova esa ertaga bahslarda qatnashadi.

www.olamsport.com sayti ushbu musobaqada qatnashayotgan har uchchala taekvondochimizga omad tilaydi.