Ikki nufuzli musobaqa oldidan dzyudochilarimiz bilan uchrashuv o'tkazildi

O'zbekiston Milliy olimpiya qo'mitasida o'tgan uchrashuvning asosiy mavzusi avgust oyida dzyudochilarimizni kutib turgan ikki asosiy musobaqaga tayyorgarlik haqida bo'ldi.

 4-7 avgust kunlari Qozog'iston poytaxti Nur-Sultan shahri kattalar o'rtasidagi Osiyo chempionatiga mezbonlik qilsa, 15-17 avgust kunlari Islom Birdamlik o'yinlari dasturidan o'rin olgan dzyudo musobaqasi bo'lib o'tadi. Har ikkala musobaqada O'zbekiston terma jamoasi azolari to'liq tarkibda ishtirok etadi. 

Ilias Iliadis murabbiyligidagi O'zbekiston erkaklar terma jamoasi ushbu nufuzli musobaqalarga Gruziyaning tog'li Bakuriani shahrida tayyorgarlik ko'rdi. Marko SHpitka boshchiligidagi ayollar terma jamoamiz esa ayni paytda Isroilning Tel-Aviv shahrida tashkil etilgan xalqaro o'quv-mashg'ulot yig'inida tayyorgarlikni maromiga etkazyapti. Ular bilan ham MOQdagi uchrashuv chog'ida ZOOM platformasi orqali bog'lanib, musobaqalarning ahamiyati tushuntirildi.

Uchrashuvda Azizjon Kamilov har ikkala musobaqa nafaqat O'zbekiston dzyudo federaciyasi, balki mamlakatimiz sporti uchun ham o'ta muhimligini takidladi. Ayniqsa, dzyudochilarimiz o'z tarixida beshinchi bor tashkil etilayotgan Islom Birdamlik o'yinlaridagi ishtiroki bilan O'zbekiston sport delegaciyasining umumiy muvaffaqiyatiga katta hissa qo'shishlari kerakli aytildi.