Ikki para suzuvchimiz Paralimpiya o'yinlari finaliga chiqdi!

Erkaklar o'rtasida S13 klassida 50 metrga erkin usulda suzish bahslarida startga chiqqan para suzuvchilarimiz – Islam Aslanov hamda Muzaffar Tursunxo'jaev saralash bosqichini muvaffaqiyatli o'tkazib, hal qiluvchi final bellashuvlariga yo'llanmani qo'lga kiritdi.

Afsuski, ushbu bosqichda ishtirok etgan yana bir hamyurtimiz Kirill Pankov esa saralashdan o'ta olmadi. S13 klassida 50 metrga erkin usulda suzish bo'yicha final bahsi bugun Toshkent vaqti bilan soat 21:42 da boshlanadi.