Ikki yapon yulduzi Inoue va Nakatani jangi sanasi haqida xabar berildi

Yaponiyaliklar o'rtasidagi ushbu jang 5 may kuni poytaxt Tokio shahridagi 50 mingga yaqin tomoshabinga mo'ljallangan mashhur "Tokio Doum" stadionida bo'lib o'tadi, deya xabar bermoqda bir-biridan mustaqil ko'plab manbalar.

Dastlab jang sanasi WBC prezidenti Maurisio Sulaymonning so'zlariga asoslanib 5 may kuni Meksikaning eng yirik bayramlaridan biri "Sinko de Mayo" [Beshinchi may] arafasida bo'lib o'tishi nazarda tutilgan edi.

Qizig'i shundaki, to'rt vazn toifasida jahon chempioni va ikki vaznda mutlaq jahon chempioni bo'lgan, bir necha yildan buyon qaysi vazn toifasida bo'lishidan qati nazar dunyoning eng yaxshi bokschilari uchligiga kiritib kelinayotgan 32 yoshli Inoue o'tgan yilning aprel oyida Yaponiya boks federaciyasining yillik mukofotlarini topshirishga kelganida Nakataniga 2026 yilda jang o'tkazishni taklif qilgandi.

O'tgan yili Inoue birinchi yarim engil vazndagi unvonlarini to'rt marta muvaffaqiyatli himoya qildi. 28 yoshli Nakatani esa engil vazn toifasidagi unvonlarni birlashtirdi va dekabr oyida birinchi yarim engil vaznda muvaffaqiyatli debyut qildi.

Uning Sebastyan Ernandesga qarshi jangi juda raqobatbardosh bo'ldi, ammo hakamlar g'alabani yaponiyalik bokschiga berishdi. 27 dekabr kuni Ar-Riyodda bo'lib o'tgan ushbu boks oqshomida ham g'alaba qozongan Inoue hamyurti bilan jang qilish rejasini tasdiqladi.

Eslatib o'tamiz, Inouening Yaponiyadagi 14 ming muxlisga mo'ljallangan arenada bo'lib o'tgan Murodjon Ahmadalievga qarshi kechgan jangiga chiptalar bor-yo'g'i ikki soatda sotilgan edi.