Iliadis izidan borayotgan Davlat Bobonovni tabriklaymiz!

Davlat Bobonov 1997 yil 7 iyun kuni Navoiy viloyati Nurota tumanida dunyoga kelgan. Samarqand viloyat ixtisoslashtirilgan sport internatida o'qigan. Hozirgi kunda Samarqand davlat universitetining 4-bosqich talabasi. Murabbiyi - Nurali Qobilov. 

Yosh bo'lishiga qaramay, hozirgacha aytishga arzigulik yutuqlarga erishishga muvaffaq bo'lgan. 2016 yil yoshlar o'rtasidagi Osiyo chempionatining oltin medalini qo'lga kiritdi. SHu yili Toshkent Gran-prisida ham zafar quchdi. SHu yil "Katta Dubulg'a" turkumiga kiruvchi Dyusseldorf turniri g'olibiga aylandi. 

-90 kg vazn toifasida yurtimiz sharafini himoya qilib kelayotgan Davlat Bobonov Tokio Olimpiadasi yo'llanmasi uchun kurashni davom ettirmoqda. -90 kg vazn toifasida Olimpiya o'yinlari chempioni bo'lgan terma jamoamiz bosh murabbiyi Ilias Iliadis chin manoda Bobonovning yangi qirralarini ochishga erishdi. Ko'z tegmasin, bugungi kunda Davlat o'zining yuqori sport formasiga kirib bormoqda.     

Fursatdan foydalanib, Davlat Bobonovni bugungi unutilmas kuni bilan muborakbod etamiz.