Iliya Topuriya jang qachon degan savolga javob berdi

Bu haqda uning o'zi xabar berdi. Asli kelib chiqishi gruziyalik bo'lgan Iliya Ispaniyadagi debyut UFC turnirida oktagonga ko'tariladi. 

"Navbatdagi jangim hamda uning sanasi aniq bo'ldi. Men Ispaniyadagi ilk UFC turnirida jang o'tkazaman", - dedi Topuriya.

Mag'lubiyat nimaligini bilmay kelayotgan Iliya Topuriya shu yilning fevral oyida Anaxaymda o'tgan 298 turniri doirasidagi jangning ikkinchi raundida avstraliyalik Aleksandr Volkanovskini nokautga uchratib, chempionlik kamarini qo'lga kiritgan edi.

Takidlash joiz, UFC promoushenining ispaniyadagi debyut turniri hozircha rasman taqvimda tasdiqlanmagan. Lekin uning manzili aniq bo'lib ulgurgan. Madriddagi "Real" klubiga tegishli afsonaviy "Santyago-Bernabeu" stadioni Ispaniya zaminida o'tkaziladigan ilk UFC turniriga mezbonlik qiladi.