Iliya Topuriya: "Maxachev birovning pulini sanamasligi kerak"

Asli gruziyalik aralash yakkakurash ustasi bu vaziyatda rossiyalik boshqalarning pulini sanash bilan shug'ullanayotganini aytmoqda.

"Bu men uchun yolg'onga o'xshaydi, chunki haqiqatni bilaman. Birinchidan, sportchining boshqa sportchi talab qilayotgan narsa bilan ishi bo'lmasligi kerak. Men birovning pulini sanamayman, u ham sanamasligi kerak. Uning bir marta bahonasi bo'lgandi, endi esa ikkinchisi ham paydo bo'ldi. Bu aniq u jangdan qochayotgandek ko'rinadi", - dedi Topuriya El Hormiguero nashriga bergan intervyusida.

SHunga qaramay, Topuriya Maxachevning xizmatlarini va uning yuqori darajasini tan oladi va bir kun kelib ular oktagonni bo'lisha olishlariga ishonadi.

"Hatto men uchun ham o'z divizionida uzoq vaqt hukmronlik qilgan jangchiga qarshi o'zimni sinab ko'rish qiziqarli, chunki u hozir men ishtirok etayotgan vazn toifasida chempion bo'lgan. O'zingizni shunday rezyumega ega odam bilan taqqoslashdan yaxshiroq narsa bormi?

Men bunga faqat sport nuqtai nazaridan qarayman. Men Islamni iqtidorli, oktagonda haqiqatan ham yuqori mahoratga ega jangchi deb hisoblayman. Agar ularni meniki bilan birlashtirsak, hamma uchun juda qiziqarli jangga ega bo'lishimiz mumkin", - deya qo'shimcha qildi Topuriya.

Iliya Topuriya oktagonga 14 iyun kuni Oq uyda bo'lib o'tadigan UFC bayram turnirida qaytadi. U oqshomning asosiy jangida amerikalik Jastin Getjiga qarshi birlashtiruvchi chempionlik jangi o'tkazadi. Islam Maxachev esa avgust oyida yarim o'rta vazn toifasida o'ziga tegishli chempionlik kamarini himoya qiladi. Hozircha uning raqibi nomalum bo'lib qolmoqda.