Intervyu. "ASIAN FIGHT-2017" ishtirokchisi Muhammadali Toshturg'unov saytimiz mehmoni

Ushbu jang kechasida 8 nafar o'zbek sportchisi mikst silat bo'yicha ilk marotaba o'zbek muxlislari qarshisida jang qiladi. Saytimiz ijodkorlari ushbu kecha ishtirokchilaridan biri hisoblangan Muhammadali Toshturg'unovni ofisimizga taklif qildi va u bilan intervyu uyushtirdi. Etiboringizga ushbu intervyuni taqdim etamiz.


O'zi haqida

Sportchi bo'lishimga otam sababchilar. Tug'ilishimdan oldin ular o'g'lim sportchi bo'ladi, ismini Muhammadali qo'yaman deb niyat qilgan ekanlar. Bokschi bo'lishimni istaganlar. Bokschi bo'lmadimu, shunga yaqinroq sport turi bilan shug'ullandim. 4-5 yoshimdan beri sport zaliga borib, yakkakurash sport turlari bilan shug'ullanib kelaman. Birinchi shug'ullangan sport turim karate. Ko'p yillar mobaynida karate bilan shug'ullanganman. Qora belbog' sohibiman. Bir necha Respublika chempionati va xalqaro turnirlarda g'olib bo'lganman. Undan tashqari sportning boshqa turlari bilan ham shug'ullanganman.



Qaysi sportda ko'roq natija bo'lgan?

O'z vaqtida shunday davr bo'lgandi: 3-4 yil davomida sportda umuman omadim kelmagan. Sportni tashlayman, boshqa sport bilan shug'ullanmayman. Bu narsa men uchun emas ekan degan fikrlar ham o'tgan. Insonning asosiy raqibi o'zi hisoblanar ekan.  
Ammo, o'z ustimda ishlashni davom ettirdim. Keyin kikboks bo'yicha shug'ullanib, yaxshi natijalarni qo'lga kiritdim.

Asosiy yutuqlarim 2005 yillardan so'ng boshlandi. Harbiy xizmatdan so'ng MXSKda mashg'ulotlarni davom ettira boshladim. Bir necha bor O'zbekiston, Osiyo, jahon chempionligini qo'lga kiritdim..."




Sportchi va aktyor Muhammadali Toshturg'unov bilan bo'lgan intervyuning to'liq qismini VIDEOda tomosha qilishingiz mumkin.

(TAS-IX emas)