Iqboljon Xoldarov hali hamon havaskor boksidan umidini uzmaganini aytdi

O'zbekistonlik professional bokschi Iqboljon Xoldarov (5-0, 4 KO) hali ham havaskor boksida ringga ko'tarilishi mumkinligini takidladi.

"Hozircha faoliyatimni yuz foiz professional boksda davom ettiraman, deb ayta olmayman. Oldindan biror narsa deyish qiyin. Hali ham havaskor boksda jang qilishim mumkin, chunki havaskor boksda isbotlashim kerak bo'lgan natijalarim bor. Oldinda Olimpiya musobaqalari bor", - dedi bokschi Qalampir.uz'ga bergan intervyusida.

Iqboljon Xoldarov so'nggi bor 16 aprel kuni meksikalik Eleazar Valensuelaga qarshi jang qilib, muddatidan avval g'alaba qozongan edi. Uning havaskor boksdagi "Stranja" musobaqasida qayd etgan mag'lubiyatidan so'ng jahon chempionatida ishtirok etmasligi malum bo'lgan edi.