Irji Proxazka kechagi nokautli mag'lubiyatiga izoh berdi

CHexiyalik aralash yakkakurash ustasi kecha AQSHning Las-Vegas shahrida o'tgan UFC 303 turnirining markaziy jangida divizionning amaldagi chempioni Aleks Pereyraga qarshi oktagonga chiqqandi. Braziliyalik chempion ikkinchi raundning 13-soniyasidayoq Irjini nokautga uchratgan edi.    

"Hamma salom! Avvalo, qo'llab-quvvatlaganingiz uchun rahmat. Aleks, senga ham jang uchun rahmat. Sen kecha yaxshiroq eding. Hozir hayolimga kelayotgan narsa – men yo yangi bosqichga ko'tarilishim kerak yoki faoliyatimni yakunlashim. Hammasi oddiy. Bu yo'l kuchli bo'lish uchun. Zalda ko'rishamiz!", - deya ijtimoiy tarmoqdagi sahifasida mag'lubiyatiga munosabat qoldirgan Proxazka.  

Eslatib o'tamiz, Irji revansh jangida ham mag'lubiyatga uchradi. O'tgan yilning noyabr oyida Aleks Pereyra Irji Proxazkani ikkinchi raundda texnik nokautga uchratib, yarimog'ir vaznda vakant bo'lib turgan UFC chempionlik kamarini qo'lga kiritgan edi.