"Irlandiya Dog'istonga qarshi, 2-qism". Nurmagomedovni jangga chorlashdi

Xyuz PFL Super Fights turniri doirasida EyJey Makki ustidan g'alaba qozonganidan so'ng engil vazn toifasida Bellator ligasi chempioni Usman Nurmagomedovni jangga chorladi.

"Eshiting, Makki bilan jangni tomoshabinlarning munosabatidan kelib chiqib tanlagandim. Keyingi rejam allaqachon aniq. Usmanning keyingi raqibi EyJey bo'lishi kerakligini necha marta eshitganman. Ammo endi u mag'lub bo'ldi. Xo'sh, keling, "Irlandiya - Dog'iston. 2-qism". CHempionlik kamari uchun Pol Xyuz Usman Nurmagomedovga qarshi! Dubayda jang qilishimiz mumkin. Yoki Belfastga keling!", dedi Xyuz.

SHuningdek, Pol agarda Usmanga qarshi jangi tashkil etilsa, u o'z burchagida ikkita vazn toifasida UFC sobiq chempioni, hamyurti Konor Makgregorni ko'rishdan mamnun bo'lishini aytdi.