Islam Maxachev: "Dog'istonliklar hech qachon bir-biri bilan jang qilmaydi"

Islamning aytishicha, ular har qanday vaziyat bo'lishidan qati nazar, hech qachon bir-biriga qarshi jang qilmaydi.

"Yo'q, yo'q, albatta, biz hech qachon bir-birimiz bilan jang qilmaymiz. Ko'p yillar davomida birga shug'ullangan odam bilan qanday qilib jang qilishingiz mumkin? Masalan, ko'plab mashg'ulot lagerlarida CHanko [Magomed Zaynutdinov] Usman [Nurmagomedov]ning lageriga keladi, unga yordam beradi, yaxshi raundlar o'tkazadi. Usman esa o'z navbatida uning yig'inlariga borib, yordam beradi va yaxshi raundlar o'tkazadi. SHundan keyin qanday qilib bir-biringizga qarshi jang qilishingiz mumkin?

Xabib chempion bo'lganida, men u bilan hech qachon jang qilmasligimni darrov tushunganman. Bu shunchaki sodir bo'lishi mumkin emas edi. Men bu sport bilan shug'ullana boshlaganimda, Xabib birinchi kundanoq menga yordam bergan. Biz qanday qilib bir-birimiz bilan jang qilishimiz mumkin? Gap hatto do'stlikda ham emas, biz hammamiz aka-ukalarmiz. Klubdoshlarimiz uchun bir-biriga qarshi jang qilishning iloji yo'q", — dedi Maxachev Demetrius Jonsonga bergan intervyusida.